Këngëtarja shqiptare me famë botërore, Rita Ora, ka filluar punën për xhirimet e klipit të këngës më të fundit.
Bëhet fjalë për klipin “Your Song” që është publikuar javë më parë në versionin “audio” dhe që është një bashkëpunim me kantautorin Edd Sheran.
Në fotot e publikuara në media, Rita Ora shihet plot stil në xhirimet e klipit, teksa ka marrë drejtimin e një makine të vjetër tip “BMW”.
Ajo është e veshur me një bluzë rrjetë që shfaq linjat me një rrip të zi lëkure në pjesën e gjoksit.
Me flokët kaçurrela dhe një palë pantallona të gjera në formë çitjanesh, Rita duket tepër lozonjare, ashtu siç është edhe vetë kënga ritmike.
