Si do të ngjante një koleksion që ndërthur modën me politikën? Robert James na heq kuriozitetin përmes koleksionit të tij të ri, që u shfaq në ditën e parë të javës së modës njujorkeze për meshkujt.
Stilisti amerikan tha se nuk kishte marrë dot pjesë në protesta pasi ishte i zënë me krijimet e reja dhe kishte vendosur të shprehte në pasarelë shqetësimet e tij përmes ngjyrave, materialeve e pankartave.
Koleksioni përbëhej kryesisht nga 3 ngjyra; ajo e ullirit, e përhirta dhe e zeza. Në disa prej veshjeve ishin përdorur pëlhura bambuje e materiale të tjera të dekompozueshme.
Ajo që binin në sy ishin veshjet që mbulonin buzën, si një shenjë për të treguar mohimin e të drejtës së fjalës. Ndërsa pankartat për protestën pro emigrantëve apo marshimit të gruas lidheshin me aktualitetin e SHBA-ve.
Ndërsa shtëpia e modës “David Naman” u rikthye në javën njujorkeze për meshkuj me një koleksion të frymëzuar nga vitet ‘70.
“Deshëm të sillnim diçka argëtuese, veçanërisht sot kur njerëzit ndihen shumë të pasigurtë”, thotë kjo shtëpi.
Ndërsa dizenjatori me origjinë polake, Rafal Sëiader shpalosi për herë të parë në javën e modës së Nju Jorkut brandin e tij të ri, R. Sëiader, ku ndërthureshin elemente të punkut britanik me romanticitetin e Parisit.
*Shfleto galerinë
Burimi: NowFashion
