Këngëtarja e njohur Jennifer Lopez dhe aktori Ben Affleck nuk ishin në ceremoninë e ndarjes së çmimeve “Oscar 2022”.
Ata nuk u paraqitën në eventin e shumëpërfolur, pasi asnjë nga filmat e tyre të fundit nuk u nominua për “Oscar”.
Aktualisht ccifti më i famshëm i ‘shoëwbiz’-it të huaj, janë më të lumtur se kurrë së bashku.
Sipas “TMZ” dyshja janë duke blerë një shtëpi prej 50 milionë dollarësh, në zonën e bukur të Los Angeles-it.
“TMZ” gjithashtu raporton se shtëpia është prej 20,000 metrash katrorë dhe është e përbërë nga 10 dhoma gjumi, 17 banjo, kuzhina të shumta, një teatër, palestër dhe një pishinë. Shtëpia është super private e strehuar në një pyll me pemë dhe ka një pamje të pabesueshme të qytetit. Është një hap i madh, dhe të dyja palët besohet se do të jetojnë atje.
Rikujtojmë se Gjatë një interviste për emisionin e njohur “The Ellen DeGeneres Show”, JLo ka treguar “arratisjet” e ëmbla që kryente me të dashurin e saj, për të pasur më shumë kohë së bashku dhe larg pesë fëmijëve që kanë mes tyre.
“Banjo, dollap. Momente private. Për të biseduar, për të bërë gjëra”, tregoi këngëtarja.
Lopez ka dy fëmijë binjak, Max dhe Emme, me ish-in e saj, Marc Anthony, ndërsa Affleck dhe ish-ja e tij, Jennifer Garner, janë prindër të Samuel, 9, Seraphina, 13 dhe Violet, 16.
