Fansat ishin kuriozë, pse Eva Mendes nuk mori pjesë në “Oscar” në shkurt, kur partneri i saj Ryan Gosling ishte nominuar si “Aktori më i mirë” për filmin “La La Land”.
Dhe në numrin e prillit të revistës “Shape”, aktorja 43-vjeçare thotë se nuk i pëlqen të dalë më në qytet.
“Ajo që njerëzit nuk dinë për mua është se më pëlqen të qëndroj në shtëpi. Në vend që të dal në tapetin e kuq, më pëlqen të qëndroj me vajzat tona”, tha nëna e Esmeraldës, 2 vjeçe dhe Amadës, 11 muajshe.
Ylli dukej shumë në formë vetëm rreth një vit pasi solli në jetë fëmijën e saj të dytë. Dhe për këtë ajo u shpreh se nuk ishte e thjeshtë.
“Në disa mënyra, ishte më sfiduese të kthehesha në formë pas vajzës së dytë. Gjithsesi nuk ishte aq e vështirë sa e mendova, sepse unë jam gjithmonë duke ndjekur fëmijët. Nuk ulem kurrë, jam në lëvizje gjithë ditës”, tha Eva.
Nga ana tjetër, ajo u ka thënë lamtumirë disa gjërave:
“Nuk mbaj më ushqim të shpejt në shtëpi, sepse po përpiqem të jap një shembull të mirë. Ëmbëlsirat janë problemi im. Duhet t’i kem gjithë kohës në kontroll”.
Burimi: Daily Mail
