Një lidhje e mundshme dashurie midis Flori Mumajesi dhe moderatores së emisionit “Prive”, Liberta Spahiu, ka qenë kryefjala e meidave rozë këto ditët e fundit, që pas shpërnguljes së kantautorit në Prishtinë.
Por një fotografi ku shfaqen të dy personazhet nën shoqërinë e njëri-tjetrit, ndoshta zyrtarizon marrëdhënien e tyre. Siç mund ta shikoni, aty shfaqen disa nga miqtë dhe bashkëpunëtorët më të mirë të Florit, siç janë Klaidi dhe Bruno si dhe… Liberta Spahiu në krahë të tij!
Nuk dihet nëse ky është një zyrtarizim i lidhjes së tyre kaq të përfolur, apo Flori dhe Liberta kanë pirë nga një gotë për tu kënaqur nën shoqërinë e miqve të tyre.
Derisa Flori apo Liberta të flasin vetë, neve veçse na mbetet të shpresojmë që këto detaje janë të vërteta sepse duhet thënë se ata janë dy nga figurat më simpatike dhe të dashura në showbiz-in shqiptar dhe imagjinoni për një çast sikur t’i shihnit si çift!
