Pak më parë, drejtori i Policisë së Shtetit, Ardi Veliu, justifikoi dhunën e policisë ndaj një 15-vjeçari duke shfaqur pa leje një video të nënës së tij me një armë, për të justifikuar sjelljen e paprecedent të efektivëve të tij me kulturën familjare që kishte marrë fëmija.
Në një mbledhje virtuale të Komisionit të Sigurisë ai shfaqi një video të nënës së djalit, në vend që të kërkonte ndjesë për sjelljen e efektivëve, duke thënë shprehimisht: “Shikoni nga çfarë familje vjen ky fëmijë!”
https://www.instagram.com/p/CAxeDx3A821/
Por nëna e 15-vjeçarit është në fakt një emër i njohur. Zaida Çobo, ish-banore e Big Brother, ka qenë duke xhiruar një film në momentin që shfaqet me armë në video, që në fakt nuk është as e vërtetë. Pas deklaratës fyese të Veliut për pamjet që ishin xhiruar gjatë filmit “Dashuria s’mjafton”, Zaida Çobo tha për ABC News, se do të depozitonte një padi në prokurori për drejtorin e Përgjithshëm të Policisë.
“Unë jam duke e ndjekur këtë çështje. Është bërë një kërkim mbi jetën time. Ndjehem e kërcënuar. Efektivi i SHÇBA-së më tha që ka mbrojtjen tonë, dhe nuk ndjehem më. Djali im vazhdon me psikolog, e ka marrë për t’u stërvitur Juventusi. Nëse është hapur Prokuroria do shkoj që tani për të bërë padi. Është lajm banal ajo që ka nxjerrë ai”, tha ajo.
Nuk e dimë se cili do të jetë reagimi i radhës i drejtorit të policisë, i cili në vend që të dënonte dhunën e ushtruar ndaj 15-vjeçarit, nisi të bënte rolin e një psikoanalisti duke thënë se faji paska qenë i familjes që e ka rritur “të pabindur”!
https://www.instagram.com/p/B-wkBVlAHgV/
