Pasi Peter Copping surprizoi me largimin e tij nga marka në verë, “Oscar de la Renta” emëroi zëvendësuesit e tij. Laura Kim dhe Fernando Garcia u njoftuan se janë në pozicionin e drejtorit kreativ, të cilët do të fillojnë punën me koleksionin e tyre Vjeshtë/Dimër 2017.
“Në rolin e tyre të ri, Kim dhe Garcia do të mbikëqyrin drejtimin krijues për veshjet, aksesorët, veshjet e nuseve dhe koleksionet e fëmijëve”, shkruhet në deklaratë.
Kim dhe Garcia prezantuan markën e tyre vitin e kaluar, “Monse”, ndërsa do të vazhdojnë të mbikëqyrin të gjitha aspektet e markës.
“Oscar de la Renta” dhe “Monse” do të hyjnë në një partneritet të gjerë strategjik, në të cilin “Oscar de la Renta” do të ofrojë mbështetje operative dhe logjistike për “Monse”, shkruhet në deklaratë.
Kim nisi karrierën te “Oscar de la Renta” në 2013-n dhe punoi për kompaninë deri më 2015-n, para se të themelonte “Monse” me Garcia-n, e cila punoi për kompaninë nga 2009-ta deri më 2015-n.
Burimi: Harper’s Bazaar
