Ishte koha e festimeve në Francë dhe në kryeqytetin portugez mbrëmjen e djeshme, pasi mijëra fansa festuan fitoren e parë të vendit në një kampionat kaq të madh.
Ndërsa Portugalia festoi Kampionatin Europian pasi arriti të shënonte një gol kundër Francës në minutat shtesë, duket se shpëtuesi i mbrëmjes nuk ishte golashënuesi Eder dhe as kapiteni Ronaldo, por flutura që i ndaloi në fytyrë këtij të fundit.
Teksa Cristiano Ronaldo qëndronte i ulur në fushë duke qarë për shkak të një dëmtimi në këmbë, interneti u çmend pas fluturës që dukej sikur po e ngushëllonte atë. Pa mbaruar pjesa e parë e ndeshjes, flutura numëronte më shumë se 50 llogari në Twitter nën emrin “Flutura e Ronaldos” si dhe një sërë meme-sh.
Disa prej komentueseve në rrjetet sociale janë shprehur se flutura ishte afruar për t’i dhënë zemër kapitenit të Portugalisë, disa janë shprehur se ajo e kishte sulmuar ndërkohë që disa të tjerë, madje kanë shkruar se ajo ishte fantazma e Messi-t që po tallej me Ronaldo-n.
Por qetësohuni, për të gjithë ata që nuk besojnë në besëtytni të tilla. Edhe ky detaj e ka një shpjegim nga pas! Stadiumi në fakt ishte i mbushur me flutura, pasi dritat e stadiumit ishin lënë ndezur përgjatë gjithë natës dhe nxehtësia i kishte tërhequr ato, duke e bërë momentin e afrimit në fytyrën e Ronaldo-s jo dhe aq special.
*Shfleto galerinë
Ronaldo’s face, and the moth pic.twitter.com/zOQ1wUSfHY
— The Cauldron (ICYMI) (@CauldronICYMI) July 10, 2016
Burimi: Mashable
