Shqipëria do të përfaqësohet nga Lindita Idrizi në “Miss Universe 2016”. Fituesja e konkursit të bukurisë shpalli fituese 19-vjeçaren nga Elbasani mbrëmjen e djeshme, 2 qershor, në “Miss Universe Albania”.
Ajo e ka nisur rrugën e modelingut dhe është mësuar me aparatin vite më parë, ndërsa tani ka mbi supe një përgjegjësi më të madhe se sa vetëm imazhin e saj.
Lindita ka një pamje shumë karakteristike, me kaçurrelat e saj voluminoze dhe sytë e kaltër. Idrizi ka marrë pjesë më parë në disa konkurse bukurie, mes tyre edhe Miss Europe Continental 2015, që u zhvillua në Itali, ku u shpall fituese.
Linda është e prirur drejt artit, prandaj edhe ajo ka zgjedhur të studiojë për flaut. Ndërsa është shprehur më herët se eksperienca e saj ne modelingun i jep një qetësi dhe komoditet para kamerës dhe aparatit fotografik.
Pjesëmarrëse në këtë kompeticion ishte edhe modelja e “ICON”, Adea Mehmetaj, e cila fitoi çmimin “Miss Bikini” ndërsa doli në shtatë më të mirat. Pavarësisht se 16 vjeçe, talenti i Adeas është dalluar nga agjencia e modelingut që në fillim, duke e angazhuar në pasarela dhe fotosesione te ndryshme. Me vetëbesim, Adea tregoi se eksperienca e saj në fushën e bukurisë mund t’i shpërblehej, bashkë me paraqitjen e saj.
Dy çmimet e tjera të ndara ishin, Miss Eleganca që u shpall Arbenita Morina dhe Miss Buzëqeshja, Erlinda Deda
Fituesja do të jetë në garë në Miss Universe 2016, për të marrë kurorën e “më të bukurës së universit” që aktualisht e mban filipinasja Pia Alonzo Wurtzbach. Spektakli i Miss Universe Albania 2016 u transmetua nga Vizion Plus.
*Shfleto galerinë
