Për të dytin vit radhazi do të zhvillohet “Gjysmë maratona” e organizuar nga Bashkia e Tiranës, më 15 tetor. Por regjistrimet për këtë event vijojnë ende edhe pse kanë mbetur edhe shumë pak ditë nga ky event sportiv, me përmasa kombëtare.
Të gjithë ata që janë të pasionuar pas vrapimit mund të regjistrohen në maratonaetiranës.al dhe mund të bëhen pjesë e garës në një nga kategoritë, në të cilat do të zhvillohet maratona. Afati i fundit për regjistrimin në maratonë është data 8 tetor, pra vetëm dy ditë kohë.
Bashkia e Tiranës ka menduar edhe për ata që nuk do të marrin pjesë në garë dhe i fton të dalin të mbështesin sportistët pjesëmarrës.
Ata që janë regjistruar bip-in mund të tërheqin në datat 13 dhe 14 tetor nga ora 09:00-20:00 te Sheshi Nënë Tereza. “Gjysmë Maratona” e Tiranës zhvillohet në 3 kategori: 21 km ku marrin pjesë atletë profesionistë; 10 km ku marrin pjesë vrapues amatorë dhe “We too”, gara për persona me aftësi ndryshe.
