Pavarësisht se është pranverë, koha me shi dhe temperaturat e ulëta ende nuk na kanë krijuar idenë se kemi lënë dimrin dhe jemi në një tjetër stinë.
Sipas parashikimeve të agjencive ndërkombëtare temperaturat e ulëta duket se nuk do të qëndrojnë shumë gjatë.
Kështu, ditën e mërkurë dhe të enjte priten temperatura pranë 20°C dhe në rajonet më perëndimore, që do të gëzojnë disa ditë të një klime tipie pranverore. Por duke nisur nga e premtja e 30 marsit skenari meteorologjik pritet të ndryshojë.
Parashikimet flasin për një valë të ngrohti afrikan, i cili do të mbërrijë në javën e Pashkëve që prek edhe Shqipërinë, ku temperaturat pritet që të shkojnë në 35 gradë celsius të dielën e 1 prillit.
Rryma e ngrohtë e emërtuar “Hanibal” duhet të mbërrijë nga Afrika të shtunën, një ditë para kremtimit të Pashkëve.
Vala do të sjellë temperatura shumë herë më të larta sesa ato që duhet të jenë në pranverë.
Por pas Pashkëve nuk vjen pranvera sepse do të nisë sërish ulja e temperaturave dhe reshjet e shiut.
