Ata vetë nuk e pranuan kurrë, por Megi Pojani dhe Endri Çekiçi prej kohësh përfliten për një lidhje dashurie. Ditën e djeshme (23 nëntor) futbollisti ka festuar ditëlindjen. Të gjithë ishim sy e vesh nëse Megi Pojani do të bënte ndonjë gjest që do të lidhej me ditëlindjen e tij, por jo.
Ndonëse urimi publik mungoi, Megi ka marrë pjesë në festën që kishte organizuar futbollisti së bashku me motrat e saj.
Ka qenë pikërisht njëra nga këto, Marsi e cila ka ndarë një video në Instastoryn e saj. Aty duket Megi duke e shijuar në maksimum atmosferën.
Në një intervistë së fundmi Megi u ngacmua në lidhje me lajmet që qarkullojnë në lidhje me të dhe futbollistin.
Ndonëse si gjithmonë refuzoi të përgjigjej duke thënë: “Nuk ka asgjë për të thënë, asgjë për të ndarë, nuk e di se çfarë thashethemesh qarkullojnë vërdallë kështu që nuk mund të flas.”
Më herët Megi Pojani është parë duke suportuar partnerin e saj në një nga ndeshjet e tij.
Prova që vërtetoi se çfiti janë bashkë, u pa në ndeshjen mes Gallatasarajit dhe Koniaspor, ku Çekiçi shënoi një supergol. Festimi i golit ishte me një puthje dhe dedikim drejt tribunës ku ndodhej Megi.
