Dueli i shumëpritur mes Elon Musk dhe Mark Zuckerberg do të transmetohet drejtpërdrejt në internet. Siç zbuloi pronari i X, ose Twitter siç njihej deri vonë, ai dhe Zuckerberg do të përballen në një ndeshje në kafaz.
Madje, me një postim të tij, Musk ka treguar se të ardhurat do të ndahen për një bamirësi për veteranët, ndërsa ka shtuar se gara do të transmetohet drejtpërdrejt në “X”.
BREAKING: Elon Musk confirms his fight with Mark Zuckerberg will be Live-Streamed on “X”
All proceeds from the fight will go to charity as well 🙏🥊 pic.twitter.com/2ysuEaBjVv
— Daily Loud (@DailyLoud) August 6, 2023
Përveç kësaj, ai dha disa njohuri për gjendjen e tij fizike përpara ndeshjes, duke shpjeguar se ai “ngre pesha gjatë gjithë ditës“. “Nuk kam kohë për stërvitje, ndaj i sjell vetëm në punë ”, tha ai.
Deri më tani nuk është bërë e ditur data e ndeshjes. Musk e përshkroi atë si “një formë të civilizuar të luftës” dhe kur u pyet se cili ishte kuptimi i saj, ai u përgjigj: “Burrat gjithmonë e duan luftën”.
Gjithçka filloi kur Musk iu përgjigj një postimi që thoshte se kompania Meta mund të zhvillonte një platformë për të konkurruar me Twitter. “Jam i sigurt se planeti nuk e sheh kohën për të qenë plotësisht nën kontrollin e ‘Zuk’ pa zgjidhje tjetër. Të paktën kjo do të ketë “kuptim”. Isha i shqetësuar për një moment”, shkroi në Twitter themeluesi i SpaceX dhe Tesla.
Kur një komentues tjetër në Twitter e paralajmëroi Markun që të ketë kujdes se çfarë thotë për Zuckerberg pasi ky i fundit po merr mësime në Jiu Jitsu, ai u përgjigj : “Unë jam për një luftë në kafaz nëse edhe ai dëshiron,” u përgjigj Musk.
Dhe ja ku jemi sot, ndeshja mes tyre është vetëm punë ditësh!
