“Selena Gomez kërkon që rikthimi i saj para fansave të jetë special”. Kështu shprehet një burim për “HollywoodLife”, i cili zbulon se ku do të performojë për herë të parë pas rikthimit nga rehabilitimi këngëtarja.
Në muajin gusht, Selena Gomez u shkëput për pak kohë nga karriera e saj muzikore për t’u fokusuar në shëndetin e saj, duke anuluar turneun. Një burim ende i pakonfirmuar ka deklaruar se këngëtarja do të bëjë një rikthim të fuqishëm në ceremoninë e ardhshme të “American Music Awards”, që do të organizohet më 20 nëntor.
“Hollywood Life” ka raportuar se këngëtarja do të rikthehet në këtë ceremoni pasi është nominuar për disa çmime.
“Nëse ajo vendos të marrë pjesë në këtë eveniment, ajo do të japë një performancë të paharrueshme, si edhe një lajm të rëndësishëm”, shkruhet në uebsajt.
Selena është ende në rehabilitim për problemet me ankthin, panikun dhe depresionin. “Ajo zbuloi se Justin ka një datë të turneut natën e AMA-s dhe ndaj ajo po merr në konsideratë një rikthim të bujshëm në skenë, gjatë shfaqjes së modës. Me Justin që nuk do të marrë pjesë në shfaqje ajo do të ketë më pak stres”, thotë burimi.
24-vjeçarja po përgatitet për mbrëmjen e eventit që do të mbahet më 20 nëntor, ndërsa është nominuar për çmimet, “Artisja më e Preferuar femër: Pop/Rock” dhe “Artisti i Vitit”, por Justin nga ana tjetër është nominuar pothuajse në të gjitha kategoritë.
Burimi: Hollywood Life
