Së fundmi Rihanna është parë duke reklamuar koleksionin e ri të dizajnuar prej saj, në koncertet e fundit apo edhe në stilin e rrugës.
Këngëtarja ndodhet në Nju-Jork për shkak të provave intensive për performancën e saj në evenimentin e madh muzikor të MTV Video Music Awards.
Dhe siç duket veshjet sportive janë dobësia e këngëtares, duke qenë se ajo po përgatitet që së shpejti të prezantojë një koleksion të sajin personal, të cilin e ka krijuar në bashkëpunim me një nga firmat më të mëdha të veshjeve sportive, “Puma”!
Rihanna e dha lajmin përmes fotografie të publikuara në “Instagram”, ku për koleksionin e saj të ri “Fenty X Puma”, që të hidhet në treg më 6 shtator, pozon supermodelja Naomi Campbell.
Këngëtarja i shkroi edhe një dedikim mikes së saj, ndërsa zbuloi afërsinë e tyre dhe gatishmërinë e Naomi-t lidhur me të.
“Çfarë kënaqësie të shikosh këtë Mbretëreshë të bukur në dizajnet e mia për “Vogue Italia”! Kjo është një ndjenjë e çmendur! Naomi Campbell nga momenti i parë në karrierën tënde, ke prekur dhe frymëzuar kaq shumë vajza të reja në të gjithë botën! Unë kam qenë një prej tyre! Jam e bekuar që të kam mike, një që e ngrenë telefonin në çdo orë të natës, që bën kohë edhe nëse nuk ka, vetëm për të më dërguar mua vitaminat dhe produktet e fytyrës, apo madje edhe vajin e plazhit për pushimet e ima!!! Kjo është arsye që këto foto thonë shumë më shumë për mua, ti je një bukuri e vërtetë, një dashuri!”, shkruan Rihanna.
*Shfleto galerinë
Burimi: Daily Mail
