Konflikti mes të dashurit të Luana Vjollcës dhe fansit të saj, Besmir Lila pushtoi titujt e mediave. Por tashmë zbulohen detaje të reja nga ngjarja e 12 prillit, kur ai i ndërpreu rrugën me makinë në zonën e Unazës së Madhe.
Ndërsa i dashuri i moderatores, Krenar Çoçaj u lirua nga komisariati, 32-vjeçari Lila u paraqit në gjyq nën akuzën e përndjekjes.
Gjatë dëshmisë para organeve gjyqësore ai ka treguar detaje të reja rreth fiksimit disa vjeçar. Lila ka thënë se ishte divorcuar nga bashkëshortja disa vite më parë, me të cilën kishte dhe një fëmijë. Sipas të akuzuarit, njëri nga shkaqet e divorcit ishte dhe dashuria për Luana Vjollcën.
Në proces u paraqit dhe raporti psikologjik i Lilës, i cili provonte se ai kishte probleme me kontrollin e emocioneve, gjë që justifikon dhe fiksimin me prezantuesen.
