Ditët e nxehta të verës janë padyshim një periudhë e shkëlqyer për dashurinë pasi është më e lehtë të lindin aventura të reja. Vera e vitit 2023 do të karakterizohet nga kalimi i gjatë i Venusit në Luan, i cili do të jetë një nga faktorët e shumtë astrologjikë që do të ndikojë te të gjitha shenjat e zodiakut. Le të ngremë një dolli për dashurinë dhe aventurat që do të lulëzojnë gjatë gushtit e në vijim.
DASHI
Nuk do e kaloni vetëm sezonin e verës. Do të takoni dikë që mund t’ju ndezë zemrën dhe t’ju fitojë me pasion dhe entuziazëm.
DEMI
Duket se të qenit beqar në verë është një zgjedhje për ju. Në fakt, do të preferoni t’i përkushtoheni vetes, mirëqenies dhe rritjes suaj personale. Ju nuk keni nevojë për një partner. Ju dini të shijoni qoftë edhe vetëm kënaqësitë e jetës.
BINJAKËT
Vera do të jetë stina e duhur për të takuar disa njerëz me të cilët keni biseduar gjatë muajve të fundit, por nuk i keni takuar për shkak të forcës madhore. Nuk do kaloni kaq shumë kohë vetëm dhe do argëtoheni me një partner shumë të ri.
GAFORRJA
Miqtë tuaj mund t’ju prezantojnë me dikë interesant në një festë apo darkë që nuk duhet ta humbisni absolutisht. Edhe nëse doni të martoheni dhe të krijoni një familje, shmangni përmendjen në takimet e para, veçanërisht nëse jeni me pushime.
LUANI
Afërdita në shenjën tuaj do t’ju bëjë beqarin më të kërkuar të zodiakut. Do të jeni të rrethuar nga miklues që do të bëjnë gjithçka për t’ju pushtuar. Do të dashuroheni papritur me dikë, por a do të zgjasë lidhja juaj?
VIRGJËRESHA
Mos u shqetësoni shumë për takimin me shpirtin tuaj binjak. Shkoni me pushime dhe lëreni universin të organizojë që ju të takoni dikë që më në fund do të jetë në gjendje të thyejë të gjitha barrierat tuaja. Shmangni flirtin me njerëz që tashmë janë të përkushtuar.
PESHORJA
Nëse dëshironi të njihni njerëz të rinj interesantë, kërkoni nga miqtë tuaj që t’ju prezantojnë me dikë. Ata i njohin shijet tuaja dhe e dinë se çfarë ju nevojitet në këtë moment të jetës tuaj. Me Venusin në Luan, mund të bini në dashuri me një prej tyre.
AKREPI
Nuk është e lehtë të vendosni bazat për një lidhje të re nëse ende nuk i pranoni gabimet tuaja dhe jeni të ashpër dhe gjykues me këdo që guxon t’ju afrohet. Megjithatë, sfera e erosit mund të jetë ende shumë e këndshme dhe përmbushëse.
SHIGJETARI
Gjatë një prej udhëtimeve tuaja të shumta, me siguri do të keni mundësi të përjetoni flirte apo lidhje të reja dashurie, të cilat do ta bëjnë verën tuaj më romantike. Megjithatë, angazhimet familjare nuk do të lënë gjithmonë kohë për të thelluar njohuritë e reja.
BRICJAPI
Kujtimi i një dashurie të kaluar do të rrëshqasë në mendimet tuaja dhe do e keni të vështirë ta lini të shkojë. Zgjidhja më e mirë duket të jetë ta dëgjosh përsëri ose ta shohësh përsëri: nëse janë trëndafila do të lulëzojnë. Mos e frenoni fatin tuaj të ëmbël.
UJORI
Nuk ju pëlqen të ndërhyni në marrëdhënie të reja që mund t’iu lëndojnë ose të shkatërrojnë verën tuaj. Ju jeni të lirë dhe të pavarur dhe, nëse zgjidhni të keni aventura të reja, e bëni këtë sepse mendoni se ato mund t’i shtojnë vlerë jetës suaj.
PESHQIT
Takimet më interesante nuk do të ndodhin në plazh apo në një klub të mbushur me njerëz, por në zyrë. Në fakt do të pushtoheni nga vështrimi joshës i një kolegu që nuk do t’ju heqë sytë. Argëtohuni dhe mos punoni shumë.
