“Hollywood Walk of Fame” është një nga atraksionet turistike më të njohura në Hollywood, Kaliforni. Monumenti historik ka mbi 2700 yje përgjatë 15 blloqeve të Bulevardit të Holliwood-it, por as një prej tyre nuk i përket Kardashianëve.
Atraksioni mirëpret rreth 10 milionë vizitorë në vit, të kesh emrin tënd të gdhendur aty tingëllon si diçka që çdo person i famshëm do ta dëshironte; megjithatë, jo të gjithë kualifikohen për një të tillë.
Edhe pse Kim Kardashian dhe familja e saj janë ndër yjet më të njohura të ekranit, arritjet e tyre janë falë personalitetit të tyre dhe jo për interpretimin e një personazhi. “The Hollywood Chamber of Commerce” lejon vetëm yjet me emra që u përkasin aktorëve, regjisorëve, producentëve, muzikantëve, grupeve teatrale/muzikore dhe personazheve imagjinar.
Kështu që për fat të keq Kim-it nuk i mjafton vetëm të qenit e famshme dhe miliardere për të përjetësuar emrin e saj në zonën emblematike.
“Një pjesë e kritereve për t’u nderuar është marrja e çmimeve si Emmy, SAG Awards, Oscars etj., në kategorinë e televizionit, performancës live në skenë, apo filmave. Ata duhet të kenë një karrierë në industrinë e aktrimit për pesë vjet ose më shumë”, tha një përfaqësues nga “The Hollywood Chamber of Commerce”.
Kim shpreson të bëhet ylli i parë i ekranit me një monument në “Walk of Fame”. “Kishte një citim ku dikush tha se yjet e ekranit nuk do të kenë kurrë një yll të vetin në “Hollywood Walk of Fame”,” tha ajo. “Jam aq konkurruese sa mendoj se do të ishte një arritje e madhe dhe një objektiv që çdokush do ta dëshironte. Do të doja të thyeja pritshmëritë.”
