Enca është padyshim një nga këngëtaret shqiptare më të dashura dhe simpatike, që dallon për stilin ekstravagant, si në klipe, ashtu edhe në daljet publike.
Megjithatë, duket se këngëtarja nuk është aq e kuruar në çdo kohë.
Këtë na e ka treguar sot në Instastory, ku ka postuar disa video duke na rrëfyer se sa herë del në Tiranë pa grim dhe e thjeshtë, merr shumë komente pozitive dhe dashuri nga njerëzit.
Djema, një nga gjërat më të bukura dhe më të lezetshme që më ndodh kohëve të fundit, më ka ndodhur gjithmonë, por kohët e fundit më shumë. Kur dal në një xhiro kot për qejf, sidomos nga Blloku, ose qendra e Tiranës, edhe jam në gjendje të thjeshtë, gjendje shtëpie pak a shumë, siç e shihni…e palyer, e papërgatitur, dashuria që marrë nga ju, komentet ca gjeste të vogla kaq të lezetshme, ma zbukurojnë ditën. Ju dua shumë.
Epo, duhet ta pranojmë se si popull na pëlqen shumë thjeshtësia, edhe pse Enca duket bukur në çdo mënyrë, me ose pa makeup.
Momentalisht ajo po shijon super suksesin e bashkëpunimit të fundit që solli me Don Xhonin “Break Down, që numëron 3.7 milionë klikime për 1 javë.
