Mbrëmjen e djeshme, aktivitetet e inaugurimit të Donald Trump nisën me traditën e ceremonisë së hedhjes së kurorës së luleve në Varrin e të Panjohurve, ndjekur nga koncerti para inaugurimit.
Shumica e familjes Trump, përfshirë Tiffany dhe Zonjën e Parë të ardhshme, zgjodhën të visheshin me të zeza për këtë rast, por Ivanka kishte vendosur që të shfaqej me fustan dhe pallto jeshile smeraldi.
Ndërkohë, Melania Trump u shfaq me një paraqitje e gjitha në të zezë me pallton dopiopet, dorashkat e lëkurës dhe syzet e diellit oversized.
Ndërsa mbrëmja e sotme nisë fillimi i fundjavës së inaugurimit, të gjithë janë të interesuar të shohin se cilin dizajnues do të veshë Melania Trump në mbrëmjen e sotme të ballos.
Duke folur para mbështetësve të tij gjatë një koncerti të zhvilluar në Uashington, Trump premtoi ndryshime të mëdha.
“Ne do të bashkojmë vendin tonë! Do ta bëjmë Amerikën një vend të madh dhe me mundësi për të gjithë njerëzit tanë, pa përjashtim, për këdo në vendin tonë dhe kjo përfshin edhe ata që jetojnë në skajet më të largëta”, tha Trump.
Presidenti i zgjedhur u rikthye pas në kohë, pikërisht në ditët e fushatës, kur shumë dyshonin në suksesin e tij drejt Shtëpisë së Bardhë.
“Ata na kishin harruar. Gjatë fushatës, unë ju quaja të harruarit, burra dhe gra të harruar. Tani nuk jeni më të tillë”, tha ai.
Trump u zotua për punësimin, fuqizimin edhe më tej të ushtrisë dhe përforcimin e kufirit.
“Do të bëjmë të gjitha ato që nuk janë bërë për vendin tonë për shumë dekada. Ju premtoj se do të ndryshojmë! Ju premtoj!”, deklaroi Presidenti i zgjedhur.
Trump u shfaq në këtë koncert prezantues të administratës së tij me në krah Melaninë. Së shpejti Zonja e Parë e SHBA, iu drejtua shkurtimisht mbështetësve.
“Nesër nisim nga puna”, ishte mesazhi i saj.
Burimi: Harper’s Bazaar
