Një nga lidhjet e krijuara brenda shtëpisë së “Big Brother VIP Albania” ka qenë ajo mes Einxhel dhe Dj Dagz.
Teksa Dagz ka dalë tashmë nga shtëpia më e famshme në Shqipëri, ai ka patur mundësinë të përshëndesë e të takojë të gjithë njerëzit e rëndësishëm të partneres së tij. Një ndër to ka qenë edhe mikesha e ngushtë e Einxhel, Fjoralba Ponari.
Kjo gjë është bërë e ditur nga vetë moderatorja e “Portokalli” në një intervistë me ndjekësitë e saj në “Instagram”.
E pyetur se kur do të takohet me Dagz, Fjoralba tha se tashmë ishin takuar sapo Dj-i la shtëpinë para se të nisej në Prishtinë.
Ajo shtoi se mendon për të që është një djalë i zgjuar e me këmbë në tokë.
“Kur do të takohesh me Dagz?”
“Jemi takuar sapo la garën, para se të ikte në Prishtinë. Djalë i zgjuar dhe me këmbë në tokë”- ka thënë moderatorja.
Ndërkohë, ndjekësit e kanë pyetur Fjoralbën edhe për detaje të tjera rreth jetës së saj, ku ajo nënkupton dhe plane të shumta që ka objektiv për t’i realizuar.
“A je e lumtur me jetën që bën?”
“Jam e lumtur që janë në rrugën e duhur drejt realizimit të asaj që kam projektuar për veten time!”
