Pothuajse të gjithë artistët kanë një rutinë të veten, përpara se të ngjiten në skenë. Këngëtarja me origjinë nga Kosova, Dua Lipa, së fundmi është e zënë me turneun e saj në Amerikë, por ka gjetur kohë për një intervistë për revistën “Teen Vogue”.
21-vjeçarja, e cila pritet që në muajin qershor të nxjerrë në treg albumin e saj të parë, është shprehur se e gjitha kjo që po i ndodh është surreale. Në intervistën e dhënë, këngëtarja me origjinë shqiptare ka zbuluar gjithashtu atë çfarë bën, përpara se të ngjitet në skenë.
“Pi një gotë çaji me mjaltë Manuka (mjaltë i prodhuar në Australi nga lulet Manuka) dhe limon. Gjithashtu shëtis dhe argëtohem me grupin tim 10 ose 15 minuta përpara se të ngjitem në skenë”, u shpreh artistja.
Burimi: Teen Vogue
