Ai ka realizuar dy intervistat më të suksesshme të karrierës me kryeministrin Edi Rama dhe ish-kreun e PD-së Sali Berisha.
Por Ermal Mamaqi është refuzuar nga Lulzim Basha, i cili nuk pranon që të japë intervistë për të. I pyetur nga televizioni T7 nëse ka një ftesë për kryetarin aktual të Partisë Demokratike, Lulzim Basha, Mamaqi është shprehur se e ka ftuar disa herë, por ai e ka refuzuar pa i dhënë arsye.
Mamaqi nuk ka ngurruar të japë edhe disa emra të personazheve që pasi kanë pranuar ftesën, nuk kanë shkuar në emision. Sipas tij balerina Klaudia Pepa dhe sopranoja Inva Mula kanë qenë dy personazhet që kanë ndërruar mendje në momentin e fundit.
