Morena Taraku nuk do të ndiqet penalisht pasi shmangu pagesën e taksës për futjen në doganë të një automjeti të përdorur.
Prokuroria Themelore e Prishtinës ka marrë këtë vendim pasi Dogana e Kosovës zbuloi se Morena iu shmang taksës 14 mijë e 118 euro.
Sipas kodit doganor, veturat e reja nuk i nënshtrohen pagesës së taksës doganore, ndaj Morena Taraku deklaroi se kishte një veturë të re të tipit “Bentely” në vlerë prej 235 mijë euro.
Por, Dogana ka konstatuar se vetura në fjalë kishte 2,194 km të kaluara dhe kishte regjistrim të rregullt në Gjermani të bërë me datën 22.07.2019, prandaj për zhdoganimin e saj duhet të paguhet edhe tarifa doganore.
“Duke u bazuar në dokumentacionin përcjellës dhe me njoftimin e zyrtarit të pranimit qendror është konstatuar se automjeti është i përdorur pra konform Këshillës ligjore të bashkangjitur si dhe librezës vetura nuk e gëzon trajtimin si veturë e re”, thuhet në një email të Drejtorisë së Doganës së Kosovës.
https://www.instagram.com/p/B3H1g8nF2hO/
Zyrtarët e Doganës së Kosovës janë takuar me kryeprokurorin e Prokurorisë, Kujtim Munishi, i cili i ka udhëzuar zyrtarët e Doganës që ta vlerësojnë veturën si të re.
Prokuroria Themelore e Prishtinës ka thënë se Dogana e Kosovës nuk ka ndonjë dëshmi se vetura ka qenë në qarkullim që nga koha kur është regjistruar për herë të parë e deri në kohën e eksportit në Kosovë.
“Kallxo.com” ka kërkuar sqarime në lidhje me këtë autorizim edhe nga Kryeprokurori i Prokurorisë Themelore në Prishtinë, Kujtim Munishi, i cili ka mohuar të jetë në dijeni të rastit të veturës së Morena Tarakut.
“Jo nuk di asgjë për rastin, nuk e di ka i keni marrë ju këto informacione por informacionet janë të pasakta”, ka thënë Munishi.
https://www.instagram.com/p/B2zTlffFCs9/
/Kallxo.com
