E gjithë bota e saj u kthye përmbys javën e kaluar kur u zbulua se Jordyn Woods kishte tradhtuar besimin e shoqeve të saj, Kylie Jenner dhe Khloe Kardashian duke u afruar më shumë seç duhej me bashkëshortin e kësaj të fundit.
Por për Jordyn Woods e gjithë kjo mund të jetë një dritë e madhe në tunel, pasi mediat raportuan se 21-vjeçares i është ofruar një shfaqje televizive dhe një linjë bukurie që do të mbajë emrin e saj.
Sipas “The Sun”, 21-vjeçarja është bombarduar me oferta nga kompanitë që duan të përdorin famën e saj, ndërkohë që skandali me familjen Kardashian-Jenner është ende i freskët.
“Jordyn është kontaktuar nga shumë kompani që duan të tregtojnë famën e saj. Asaj i është ofruar emisioni i vetë televiziv”, thotë burimi.
21-vjeçarja thuhet se është shkatërruar pas raporteve se kishte qenë e lidhur me bashkëshortin e motrës së Kylie Jenner, Tristan Thompson.
Njerëzit mezi po presin që ajo të tregojë anën e saj të historisë dhe këndvështrimin e saj mbi këtë situatë.
Jordyn në fakt do të thyejë heshtjen në javët në vijim në emisionin e Jada Smith dhe kjo nuk besojmë se do t’u pëlqejë motrave Kardashian.
Ndërkohë Khloe Kardashian thuhet se i ka dhënë fund menjëherë marrëdhënies me Tristan pasi ky i fundit e pranoi se e kishte tradhtuar me Jordyn.
