Gjendja e kryeministrit sllovak Robert Fico është stabilizuar, por mbetet e rëndë, tha sot ministrja e Shëndetësisë e vendit Zuzana Dolinkova, pas atentatit ndaj liderit që ndodhi ditën e mërkurë.
Zëvendëskryeministri i Sllovakisë tha se transferimi i Ficos në kryeqytetin Bratislavë nga spitali i qytetit të vogël pranë zonës ku ai u qëllua pesë herë, nuk do të ndodhë në ditët në vijim.
‘Nuk ka nevojë të transferohen detyrat zyrtare të Fiços pasi ka pak komunikim me kryeministrin‘- tha zëvendëskryeministri Robert Kalinak para gazetarëve jashtë spitalit ku po trajtohet Fico.
Fico iu nënshtrua një operacioni dyorësh ditën e premte, i cili rriti shpresat për shërimin e tij. Sulmi shkaktoi valë tronditëse në të gjithë Evropën dhe shqetësime për situatën e polarizuar politike në vendin me 5.4 milionë banorë.
Policia sllovake ka akuzuar për tentativë vrasje një burrë, për të cilin prokurorët thonë se është Juraj S.. Mediat lokale të lajmeve thonë se 71-vjeçari është një ish-roje sigurie në qendrën tregtare dhe autor i tre librave me poezi.
