Tani është kthyer në një trend që propozimin dashurisë së jetës tënde t’ia bësh në koncert.
Ishim mësuar që të tilla gjëra të ndodhin në koncertet e këngëtareve të mëdha si Beyonce apo Adele, por këtë herë ka ndodhur në koncertin e këngëtarit shqiptar, Ermal Meta.
Mbrëmjen e kaluar, Meta ka mbajtur koncertin e tij në Pescara të Italisë në kuadër të turneut të tij, “Ermal Meta: Tour Estivo”, ku ka ndihmuar njërin prej ndjekësve t’i propozojë partneres.
“Mbrëmë ndihmova Nicolan t’i kërkojë dorën Marikas. Dhe ajo tha ‘Po!’”, shkruan këngëtari shqiptar krah fotos së publikuar në faqen e tij në Facebook.
