Italia është shteti më i prekur nga Covid-19 pas Kinës, i cili ka regjistruar shifra të frikshme që prej përhapjes së pandemisë në të gjithë botën.
Vetëm 24 orët e fundit u shënuan 474 viktima, ndërsa numri i jetëve të humbura ka shkuar 2978.
Gjithashtu, gjithsej janë regjistruar 35,713 raste pozitive me Koronavirus.
Mirëpo, duket se strategjia për të parandaluar përhapjen e virusit do të ndryshojë, pasi është gati aplikacioni që do të gjurmojë të infektuarit.
Luca Foresti, drejtor ekzekutiv i rrjetit të Qendrave Mjekësore Santagostino të klinikave të specializuara është i gatshëm ta ofrojë këtë aplikacion, për të cilin ka rrëfyer se për çfarë shërben dhe si funksionon.
“Të kufizojë dhe të mbajë nën kontroll infektimet duke ndërhyrë në zonat e shppërthimit në një mënyrë strategjike, kirurgjikale. Izolimi i vendosur nga qeveria në këtë kohë është thelbësor, por duhet të mendojmë për mekanizma për postsituatën, kur virusi do të jetë zvogëluar, por jo të jetë zhdukur plotësisht dhe do të duhet të parandalojmë që ai të përhapet përsëri.
Është një aplikacion që shkarkohet në celular që lejon, pasi të jenë identifikuar personat pozitiv, të rindërtojnë të gjitha lëvizjet e tyre në javët e mëparshme dhe të dërgojnë një mesazh për ata me të cilët kanë rënë në kontakt për të sinjalizuar se janë në rrezik dhe duhet të fillojnë vetëngujimimn. Duke vepruar kështu, ndalohet përhapja e virusit. Është e njëjta qasje e eksperimentuar në Korenë e Jugut, Singapor dhe pjesërisht në Kinë, e cila ka treguar shumë efektivitet.
Aplikacioni gjithashtu ka një “ditar klinik” për dedektimin e hershëm, individualizimin e parakohshëm të infektimit. Një seksion ku përdoruesit individualë mund të regjistrojnë në mënyrë anonime çdo simptomë. Të dhënat e mbledhura në këtë mënyrë na lejojnë të parashikojmë nëse ka zona në të cilat infeksioni po përhapet. Sidoqoftë, ne sot testojmë vetëm njerëzit që përkeqësohen: do të thotë që ne zbulojmë raste kur ato janë të paktën dhjetë ditore. Dhe kështu ata tashmë kanë infektuar të tjerët. Të dish nëse sot në Milano, për shembull, ka një rritje të papritur të njerëzve me ethe, do të thotë të jesh i aftë të ndërhysh menjëherë me karantinë dhe izolim parandalues. Atëherë, natyrisht, është e dëshirueshme të bëjmë testin: shpresojmë se do të vijmë edhe tek ai moment”.
Foresti tregon se aplikacioni është në gjendje të vërejë “lëvizjet e tepërta”.
“Po, ne jemi tashmë në gjendje të zbulojmë mbi baza statistikore (anonime) sjellje të rrezikshme ose të themi se cilat komuna kanë sjellje të gabuara dhe prandaj duhet të rishikojnë politikat e kontrollit. Jo vetëm kaq, këto të dhëna mund të integrohen me ato të Istat për të gjurmuar hartat e mëtejshme të rrezikut “. Cilat të dhëna të Istat? “Istat e ndan tërë territorin kombëtar në” qeliza “me 65 familje. Për secilën prej tyre kemi shpërndarjen e popullatës bazuar në moshën: nëse e dimë që në një territor të caktuar ekziston një përqendrim më i madh i të moshuarve, e dimë që ekziston një probabilitet më i lartë për të pasur viktima dhe për këtë arsye duhet të mendojmë për ndërhyrje strategjike në atë zonë.”- shprehet ai.
Sipas drejtorit ekzekutiv, në këtë aplikacion do të ketë akses Mbrojtja Civile, e cila do të ndërhyjë në kohë reale për të parandaluar përhapjen e virusit.
“Mbrojtja civile, e cila kështu mund të ndërhynte në kohë reale për të parandaluar sjellje të gabuara ose të përgatisë përgjigjen shëndetësore. Dhe pastaj komuniteti shkencor. Hulumtimi shkencor është thelbësor për të mposhtur koronavirusin, por ai duhet të jetë i shpejtë: për këtë arsye duhet të ketë të dhënat më të sakta të mundshme. Më në fund, aplikacioni gjithashtu funksionon në drejtim të kundërt: do të lejojë të informojë dhe ndjek qytetarët që janë të shqetësuar ose me simptoma, të cilët tani nuk mund të mbërrijnë gjithmonë të kenë akes në numrat e urgjencës”.
Foresti shton se aplikacioni nuk zbulon të dhënat personale ose numrin e telefonit të njerëzve.
