Bilanci i koronavirusit në Itali vazhdon të jetë tragjik.
Vendi nuk po gjen paqe dhe në 24 orët e fundit bëhet me dije se kanë ndërruar jetë 889 persona.
Në këtë mënyrë numri total i tyre është për të ardhur keq, pasi ka kaluar në mbi 10.000.
Gjithashtu, në përditësimin e sotëm mësohet se janë identifikuar edhe 3651 raste të reja dhe nga të infektuarit 3856 janë në gjendje kritike për jetën.
Përsa i përket të shëruarve, 1434 persona kanë mundur të mposhtin virusin vdekjeprurës.
Kujtojmë se dita e djeshme ishte më e zeza për Italinë, pasi në vetëm 24 orë ndërruan jetë 969 viktima.
