S’ka më party! Qeveria italiane ka vendosur të pezullojë veprimtaritë e të gjitha diskove, apo lokaleve me pista kërcimi si dhe “vendeve të ngjashme”, duke filluar nga nesër, 17 gusht.
Ndërkohë, përdorimi i maskave është bërë i detyrueshëm, madje edhe në vende të hapura.
Urdhri i firmosur nga Ministri Speranza mbyll gjithçka nga e hëna dt. 17. Në tekst sqarohet se përjashtime rajonale nga legjislacioni kombëtar nuk lejohen.
“Aktivitetet që zhvillohen në sallat e kërcimeve, disko dhe ambiente të ngjashme, jashtë apo brenda, janë pezulluar”.
Deri në 16 gusht, vetëm dy rajone kishin vendosur në mënyrë të pavarur të mbyllnin klubet e vallëzimit: Calabria e Basilicata.
Në urdhrin e ri, qeveria vendosi gjithashtu për një kufizim të ri në përdorimin e maskës “nga data 18 deri në 6″, në të gjithë territorin kombëtar. Përdorimi i maskave është gjithashtu i detyrueshëm “jashtë, në hapësirat që kanë të bëjnë me vendet dhe ambiente të hapura për publikun, si dhe në hapësira publike (sheshe, hapësira, rrugë) ku karakteristikat fizike e bëjnë më të lehtë grumbullimin.
/Corriere.it
