Shteti italian ka vendosur të lehtësojë masat anti-Covid për të gjithë ata që duan të udhëtojnë drejt Italisë.
Kështu, duke filluar nga data 1 mars, të gjithë ata që do të udhëtojnë drejt shtetit fqinj nuk do të jetë nevoja të karantinohen.
Njoftimi
Ministria për Evropën dhe Punët e Jashtme njofton se Italia ka vendosur që të lehtësojë masat anti-Covid për hyrje/daljet nga vendi.
Duke filluar nga data 1 mars, udhëtarët që do të shkojnë drejt Italisë nuk do të jetë e nevojshme që të karantinohen.
Të gjithë personat që duan të futen në Itali, mjafton që të kenë certifikatën e vaksinimit me dy doza.
Ndërsa për ata që nuk janë të vaksinuar, mjafton një test PCR negativ ose certifikata e rikuperimit nga Covid-19.
Rikujtojmë se Italia nuk është i vetmi vend që po lehtëson masat. Edhe Gjermania nga ana tjetër, ka vendosur të heqë disa kufizime.
Ndërsa vala e variantit Omicron ka arritur kulmin e saj në Gjermani, zyrtarët e lartë shëndetësorë paralajmëruan se masat kufizuese kundër koronavirusit do të ndërmerreshin me kujdes dhe hap pas hapi.
“Të dhënat mbi numrin e rasteve dhe testeve PCR kanë treguar se kulmi i valës Omicron ka kaluar”, deklaroi sot Lars Schaade, nënkryetari i Institutit të Kontrollit të Sëmundjes RKI, në Berlin.
“Megjithatë, kulmi nuk është arritur ende në njësitë e kujdesit intensiv”, shtoi ai.
“Do të ketë një lehtësim gradual të masave kufizuese për të reduktuar përhapjen e infeksioneve, por vetëm nën monitorimin e kujdesshëm të zhvillimeve”, tha Schaade.
