Sapo situata në Itali duket se ka nisur të qetësohet, ngjarjet në Itali marrin menjëherë një rrjedhë tjetër.
Teksa të gjithë mendojnë se kurba e të infektuarve dhe viktimave po vjen në zbritje, 24 orët e fundit në vendin fqinj na kanë surprizuar sërish.
Këtë të enjte është regjistruar një numër më i lartë të prekurish me Covid-19 sesa ditën e djeshme.
24 orët e fundit janë konfirmuar 610 jetë të humbura, ndryshe nga një ditë më parë kur numri i viktimave ishte 542.
Numri total i vdekjeve në Itali ka shkuar në 18,279, ndërsa 143,626 persona janë të infektuar me virusin vdekjeprurës.
Gjithashtu, 3,605 prej tyre janë në gjendje kritike për jetën, të cilët po mbahen në kujdes intensiv.
