Joana Smakaj u bë e njohur për publikun 10 vite më parë, për produksionet e saj të suksesshme muzikore si “Zemrën ndeze” apo edhe “Më mungon”. Mirëpo këngëtarja u largua nga skena muzikore pa lënë gjurmë për më shumë se 10 vite. E ftuar në emisionin “Rudina” në televizionin “Kan” ditën e sotme, Joana tregoi se se u detyrua të braktiste angazhimet në muzikë, kur u bë nënë për herë të dytë, e një vajze.
“Mëmësia ka qenë e vështirë, jam bërë nënë në moshë të re, 22 vjeç ndërsa me vajzën kam qenë më e pjekur, isha 28 vjeç. Kur ngela shtatzene me vajzen u shkeputa nga muzika. Po mos te kisha lindur vajzen, do e vazhdoja. Të gjithë pasditen pas punës e kaloj me femijet, i ndihmoj për detyrat. Nuk do doja qe ata të ndiqnin rrugën e artit sepse ketu nuk ka të ardhme. Megjithatë vajza do që të bëhet këngëtare ndërsa djali do që të bëhet aktor. Janë dëshirat e tyre por unë nuk do doja”, tha Joana.
Pas largimit nga muzika, Joana Smakaj tregoi se i ishte përkushtuar profesionit për të cilin kishte mbaruar edhe studimet, atë të juridikut dhe punon në një zyrë ligjore.
“Shkollën e mesme e kam mbaruar për kanto, 22 vjeç fillova muziken, në ate kohë isha e martuar dhe isha bërë me djale. Djali sot është 13 vjeç kurse vajza 6 vjeç. Bashkëshorti më ka mbështetur në muzikë, edhe financiarisht, pastaj më ka mbështetur edhe në profesionin tim. Juridikun e bëra si të gjithë shqiptarët, megjithatë më pëlqen dhe jam shumë e lumtur edhe pse në fillim e kisha pak me frikë” – përfundoi Joana Smakaj.
