Ka ndërruar jetë sot nga koronavirusi në Tiranë edhe një mësues nga Mirdita.
Mësuesi kishte disa ditë që ishte shtruar në Spitalin Infektiv në Tiranë, e ishte në gjendje të rëndë shëndetësore.
Ende nuk dihet nëse mësuesi kishte sëmundje të tjera bashkëshoqëruese.
Ministria e Shëndetësisë ende nuk ka njoftuar ngjarjen në fjalë.
Ndërkaq, një tjetër ngjarje tragjike është shënuar sot në mëngjes në Spitalin “Shefqet Ndroqi” në Tiranë.
29-vjeçari me inciale Xh.K, i infektuar me COVID-19 u hodh nga kati i tretë i Sanatoriumit. Mjekët dyshojnë se ai vuante nga probleme të shëndetit mendor, gjë e cila ende nuk është aprovuar.
Situata ngta koronavirusi është rënduar në vendin tonë. Ministria e Shëndetësisë ka informuar se vetëm dje kanë humbur jetën 3 pacientë dhe janë konfirmuar 141 individë me Covid-19.
Deri tani, në Shqipëri janë shënuar 208 viktima nga Covid-19, ndërsa për momentin janë 3057 të infektuar me virus.
/Gazetareforma.com
