Ilda Bejleri ishte sot e ftuar në emisionin e Rudina Magjistarit, ku për herë të parë rrëfeu për kujtimet e saj nga fëmijëria.
Për të gjithë ju që nuk e dini, moderatorja e njohur e sportit ka qenë në Greqi për gati 3 vjet, por është kthyer më pas bashkë me familjen.
Arsyeja e kthimit lidhet pikërisht me gjyshen e saj, e cila nuk duronte dot t’i kishte fëmijët larg:
“S’kam bërë asnjë vit shkollë andej. Një nga arsyet që u rikthyem në Shqipëri është nëna. Ishte ajo që thoshte fëmijët i dua këtu, ngaqë babi është fëmijë i vetëm”.
Por Ilda e kujton atë periudhë edhe sot e kësaj dite, për të cilën thotë se ishte shumë e vështirë në Greqi të thoje që je shqiptare.
“Gjuha e parë e huaj që unë kam mësuar ka qenë greqishtja. Kanë qenë momente edhe të bukura, por edhe të vështira sepse babai im la zyrën, ku ishte inxhinier ndërtimi për të emigruar. Megjithatë kanë qenë momente që shënojnë jetë e dikujt. Unë të gjithë njerëzit që kanë qëndruar pranë meje dhe më kanë mbështetur në fillimet e mia i mbaj vërtetë në zemër dhe iu jam shumë mirënjohëse”, tregoi moderatorja.
Ilda Bejleri rrëfeu edhe dëshirën për t’u bërë balerinë që kishte në fëmijëri, por që më pas ndryshoi mendim dhe në vend të saj, balerin u bë i vëllai.
