Karriera e saj startoi me konkurrimin në edicionin e dytë tek “Ethet e së premtes”. Ajo ishte 13 vjeç kur konkurroi dhe ia doli të hynte në dhjetëshen më të mirë, ndërsa sot Samanta Karavella është një ndër këngëtaret më të kërkuara në tregun muzikor shqiptar.
Mbas “Etheve”, angazhimet e saj në muzikë sa vinin edhe bëheshin më të sukseshme. Në moshën 14-vjeçare u bë pjesë e Festivalit në RTSH dhe më vonë në shumë festivale të tjera si: “Kënga Magjike”, “Top Fest” , ”Mikrofoni i artë”, “Këngët e shekullit” etj.
Një ndër këngët që u pëlqye në fillimet e karrierës së saj, ishte “Zgjomë një tjetër ëndërr”, e vitit 2011 në “Festivalin e këngës në RTSH”, ku mori çmimin e katërt. Suksesi i radhës erdhi kur ajo e priste më pak, në 10-vjetorin e Top-Fest, ku artistë të vjetër e të rinj rrëmbyen trofeun e fitores.
Po çfarë po bën sot Samanta? Sigurisht që ajo është pjesë e ekranit shqiptar dhe vijon të ndjekë pasionin e saj për këngën. Të gjithë e mbajnë mend si një vajzë të ëmbël, me një pamje të brishtë që gjithmonë u ka dhënë këngëve nga shpirti i saj. Të qenit e rezervuar me jetën e saj private, ka bërë që shpesh herë të përflitet për ndonjë flirt apo lidhje me kolegët e saj gjatë bashkëpunimeve.
Thashethemet e fundit lindën pas publikimit të këngës “Na e dina”, në bashkëpunim me reperin kosovar Gent Fatali. Reagimi i këngëtares qe i menjëhershëm pas lajmeve në media mbi një romancë të mundshme me të.
E pyetur për “Opinion.al”, Samanta mohoi të ketë një histori me reperin dhe hodhi poshtë të gjitha thashethemet për këtë histori: “Në çdo bashkëpunim që lançoj, kolegun që kam në krah ma bëjnë patjetër të dashur. Jo, nuk jam e lidhur me Gentin. Jemi thjesht kolegë, për më tepër që video nuk ka aspak skena dyshuese, që të mund të mendosh se jemi të dashur”, tha Samanta.
Reagime ka pasur edhe për pamjen e këngëtares, pas hapjes së faqes “Vipat e bllokut”, ku Samanta renditej një ndër VIP-at shqiptarë që u është nënshtruar operacioneve plastike.
Megjithatë kjo mbetet ende në kuadrin e thashethemeve, përderisa vetë Samanta i ka mohuar ndërhyrjet estetike, duke thënë se jo çdo person është “i bërë”. Sot ajo po shijon suksesin e këngës “Na e dina”, ndërsa presim që bukuroshja të vijë me të tjera projekte muzikore.
Burimi: Iconstyle
*Shfleto galerine
