Sezoni që lamë pas ishte i mbushur me shumë të papritura dhe skandale gjatë formatit të dashurisë “Për’puthen”.
Përveç kësaj, një ndër miqësitë që u duk se do të zgjaste përgjithmonë ishte ajo mes Arsim Abdulit dhe Eri Agës. Dy djemtë shoqëroheshin shumë me njëri-tjetrin dhe madje dukeshin të pandarë. Po ashtu, ata realizuan një këngë së bashku.
Duket se gjërat mes tyre nuk janë si më parë. Fansat e tyre kanë nisur vëzhgimet dhe kanë vënë re se shokët e ngushtë nuk ndiqen më në rrjetet sociale. Kjo do të thotë shumë për raportin mes tyre.
Nuk dihet se çfarë ka ndodhur mes tyre dhe cila ka qenë arsyeja që ka çuar në krisje të marrëdhënies së tyre mjaft të ngushtë, por kjo mbetet për t’u parë me kalimin e kohës.
Arsimi është përfolur shumë kohët e fundit për lidhjen e dashurisë me një vajzë bjonde të quajtur Pranvera, të cilën e postonte shpesh në rrjete sociale. Ata dukeshin kokë e këmbë të dashuruar mirëpo s’e dimë ç’ndodhi që lidhja e tyre mori papritur fund.
Pranvera ka shkruar në InstaStory se Arsimi është “akull” siç thonin edhe vajzat e tjera që ishin ndarë me të, ndaj lidhja e tyre kishte marrë fund.
“Nuk kishin faj ata goca që thanë ti je akull. Gjithë të mirat në jetë”, shkroi ajo.
Ndërkohë, nuk mungoi një postim as nga Arsimi, i cili ka shkruar:
“Për një moment ti ishe bota ime, por tani pyes veten se çfarë nuk shkon me këtë botë? Të uroj gjithë të mirat, lamtumirë!”.
