Një 16-vjeçare ka denoncuar në polici dhe ka treguar është përdhunuar nga një 18-vjeçar në Durrës, ditën e djeshme. Ndërsa gjimnazistja do t’i nënshtrohet ekspertizës mjeko-ligjore, janë mësuar detaje nga ngjarja.
Mësohet se dy të rinjtë ishin njohur në Instagram dhe të dielën kishin lënë të takoheshin në kafe. Pasi kishin pirë kafe bashkë në zonën e plazhit, djali i kishte kërkuar të shkonin në një vend tjetër, për të kryer marrëdhënie seksuale. Vajza e kishte refuzuar dhe për arsye dhe rrethana që pritet të sqarohen, ajo ka kallëzuar në Komisariat se është përdhunuar.
Njoftimi i policisë:
“Nga Specialistët për hetimin e krimeve në stacionin e Policisë Plazh, arrestuan në flagrancë shtetasin: D.M.,18 vjeç, banues në Durrës, pasi dyshohet se ka kryer marrëdhënie seksuale me dhunë me një 16 vjeçare”.
