Ish-zëdhënësja e Partisë Demokratike, Laura Vorpsi është në pritje të ëmbël. Ajo po pret një fëmijë nga partneri biznesmen Theodhori Çami, me të cilin është në një lidhje diskrete prej kohësh.
Hera e parë që Laura u shfaq në publik me partnerin e saj ishte dasma e djalit të biznesmenit Ylli Ndroqi. Që pas largimit nga detyra si zëdhënëse e PD-së, Laura i ka pasur të rralla daljet e saj publike dhe kjo ishte hera e parë që ajo shfaqej me veshje mondane, një fustan klasik në ngjyrën e gjelbër.
Stilit të saj i ishte përshtatur edhe partneri, i cili ra në sy për kombinimin shik dhe kravatën dhe këpucët në nuancat e fustanit të Laurës.
Ndërkohë, detaje të tjera si gjinia e fëmijës apo nëse do të bëjë dasmë çifti mbeten ende mister. Laura ashtu dhe biznesmeni thuajse kurrë nuk kanë folur në media për jetën e tyre private e aq më pak për historinë e dashurisë.
