Reperi i famshëm Jay Z ka marrë disa kërcënime të rënda nga ish-miku i tij George Zimmerman. Debatet mes ish-miqve janë bërë publike në dokumentarin e reperit.
Ai i ka kushtuar një kapitull të tërë së shkuarës së tij problematike duke e titulluar: “Rest in Power: The Trayvon Martin Story”. Sipas Zimmerman, në vitin 2012 Jay Z ka kërcënuar në mënyrë të tërthortë familjarët e tij dhe kjo është krejtësisht e pafalshme.
“E di sesi të merrem me njerëzit që ngatërrohen me mua. E kam kaluar njëherë në shkurt të 2012-s”, tha ai për “The Blast”.
Babai i tre fëmijëve ka qenë i ftuar për drekë në shtëpinë e Zimmerman ku ka ofenduar rëndë anëtarët e familjes së tij. George asokohe ka kërcënuar duke thënë publikisht se Jay Z meriton të vdesë dhe trupi i tij duhet t’i ushqehet krokodilëve.
Tashmë i gjithë publiku ka akses mbi dokumentarin e tij dhe i pari që e ka shtënë në dorë është pikërisht armiku i reperit. Portali “The Blast” së fundmi ka raportuar se Zimmerman është i gatshëm të lërë pas të kaluarën e hidhur dhe të rregullojë marrëdhëniet me Jay-Z.
Zimmerman u çlirua nga të gjitha akuzat për të shtënat e Martinit, të riut me ngjyrë të paarmatosur, vrasja e të cilit hapi debate të mëdha në SHBA, për drejtësi të barabartë.
Zimmerman mund të dënohej për vrasje të shkallës së dytë ose vrasje pa paramendim. Por juria e përbërë nga gjashtë gra e shpalli atë të pafajshëm.
Burimi: The Blast
