Bernie Ecclestone, ish-shefi ekzekutiv i “Formula 1”, është bërë baba për herë të katërt në moshën 89-vjeçare.
Partnerja e tij 44-vjeçare, Fabiana Flosi, ka sjellë në jetë fëmijën e saj të parë me Ecclestone, një djalë që e kanë pagëzuar me emrin Ace.
Sipas “The Sun”, gruaja dhe fëmija janë shëndoshë e mirë dhe lindja ka zgjatur vetëm 25 minuta.
Ish-shefi i “Formula 1” është gjithashtu baba i tre vajzave nga martesat e mëparshme.
Bernie Ecclestone ka lindur në Suffolk të Britanisë në vitin 1930 dhe është djali i një peshkatari. Ai filloi punë për herë të parë pas Luftës së Dytë Botërore në një industri gazi. Detyra e tij ishte të kontrollonte pastërtinë dhe cilësinë e gazit.
Tashmë, për shkak të përfshirjes së tij në garat e makinave, Ecclestone numëron një pasuri prej 3.1 miliard dollarësh.
