Sot është një ditë e trishtë për të gjithë ata që e njohën, dhe ishin shumë, pasi Adelajda që njihet si konkurrentja e Big Brother, bëri shumë njerëz për vete, me ëmbëlsinë dhe fuqinë e saj për të luftuar në emër të dashurisë.
Dhe pikërisht ai për të cilin luftoi, Bjordi, nuk kishte sesi të mos thoshte disa fjalë zemre për Adelën e tij, sot që ajo nuk ndodhet më mes nesh.
Ti e di se sa të vështirë e kam këtë pjese, sepse jam natyrë cinike, dhe jam i tillë pikërisht për të mos u përballur me momente si ky. Ti e di që nuk më pëlqen të flas publikisht, sidomos kur bëhet fjale për çfar ndjej, por në fund të fundit kur filluam aventurën tonë sëbashku e kemi bërë përball të gjithve ndaj dhe për këtë arsye përball të gjithëve më duhet të them se çfar ndjej.
Dhe pse kundër natyrës time po i shkruaj kto fjalë për ty, për respekt të të gjithë atyre që të kan dashur, të gjith atyre që nuk ngopeshin me ty, sepse ju fute aq thellë në zemër sa asnjeri më pare nuk e ka bërë. Në kto momente nuk di çfarë të mendoj e nga tja nis, koka me mbushet me kujtime dhe sytë me lot.
Adel me vjen shumë inat. Më vjen inat sepse je personi më i fortë që kam njohur.
Nuk e kam kuptuar kurrë se ku e gjeje forcën të përballoje çfar ke përballuar gjatë gjithë jetës tënde.Më vjen inat sepse ke luftuar, gjithmonë, dhe kjo jo në mënyre figurative, ti ke luftuar vërtet për cdo gjë që arrite në jetë dhe sikur mos të mjaftonte, arrite të frymezoje një gjeneratë të tërë me forcën tënde.
Linde në një botë shumë të vogël për ty dhe luftove aq shumë për të zgjeruar kufijtë e botës tënde sa asnjeri tjetër që kam njohur. Kur kuptove që kjo nuk mjaftonte fillove të luftoje për të ndyshuar veten tënde dhe pak veta janë kaq të zgjuar dhe të guximshëm për ta bërë ktë.
Linde në një botë shumë të egër Adela, një botë që gjithsesi ka humbur cdo betejë kundër teje, sepse nuk e dinte kë kishte përballë.
Kjo botë nuk e dinte që Adela nuk ka frikë nga asgjë por kësaj rradhe nuk kishe se si të fitoje Adel, sepse u luajt jashtë rregullave, dhe ishte e vetmja mënyrë për të të mundur.
Adel nuk jam i mirë me fjalët dhe ti e di se sa pak natyre spirituale jam, do të doja të kisha thënë shumë më shumë, por më beso kur të them që dhe kaq paska qënë tmerrësisht e vështirë.
Faleminderit Zemër, për çdo gjë dhe më fal, për çdo gjë.
