Ajo u spikat në vendlindjen e saj, për pamjen tërheqëse, tiparet e veçanta dhe fizikun e një modeleje. Arselajda Buraku u bë pa asnjë hezitim në fillim të karrierës së saj pjesë e agjencisë së modelingut “ICON Agency”.
Modelja shqiptare vendosi që të krijonte karrierën e saj në këtë fushë jashtë kufijve shqiptarë, duke zgjedhur “ëndrrën amerikane”.
Pasi u bë muza e re e revistës “Paper”, pozoi për “W Magazine” dhe së fundmi për prestigjiozen “Elle”, Arselajda është kërkuar të jetë pjesë e një tjetre reviste.
Me fokus në trendet e bukurisë, modelja shqiptare ka pozuar për revistën “Essential” pjesë e revistës amerikane “Vulkan”.
Theksi i është vënë tipareve të modeles, bukurisë natyrale, ngjyrave të guximshme dhe aksesorëve, të gjithë gjërave të nevojshme për këtë verë.
Në secilën prej tyre Arselajda arrin të na përcjell përmes kamerës së fotografit “Rocio Segura” emocione të ndryshme.
Burimi: Iconstyle.al
