Ish-ministrja e Arsimit, Besa Shahini ka bërë me dije lajmin se është bërë nënë për herë të parë. Ajo dhe bashkëshorti i saj, Dardan Molliqaj sollën në jetë një vajzë.
Këtë lajm, Shahini e ka zbuluar për të gjithë ndjekësit përmes një fotoje të publikuar në llogarinë e saj të Facebook, ku shfaqet me vajzën pranë vetes.
Shtatzënia ishte mbajtur e fshehtë për publikun deri në momentin qē e vogla ka ardhur në jetë. Besa ka falenderuar mjekët për përkushtimin, duke bërë me dije se ka zgjedhur spitalin publik në Tiranë.
“Bashkë me pranverën erdhi edhe vajza jonë në Tiranë ☺️. Ajo lindi në spitalin publik SUOGJ Koco Gliozheni me ndihmën mjekut fantastik dhe mikut tonë të mirë, Dr. Orion Gliozheni.
Më duhet të nënvizoj që kujdesi dhe shërbimi i gjithë ekipit mjekësor dhe ndihmës ishte i jashtëzakonshëm. Përkundër vështirësive që solli pandemia COVID-19, në spitalin publik ofrohet shërbim i mirë mjekësor, me qetësi dhe zemërgjërësi. Shumë faleminderit për punën që bëni 🙏🏼
Një vlerësim i dytë, por tani më i përgjithshëm, duhet t’u shkojë edhe politikbërësve që me ngulm vazhdojnë të investojnë në maternitetet publike gjithandej Shqipërisë. Gjithmonë mbetet më shumë për t’u bërë, por sot e kisha të rëndësishme të nënvizoj se sa shumë tashmë është bërë në Shqipëri që grave t’u përmirësohet eksperienca e lindjes dhe qytetarëve më të rinj të Shqipërisë t’u sigurohet një fillim i shëndetshëm në jetë.
👍🏻 Ogerta Manastirliu dhe ekipi i shëndetësisë.”- shkruan ajo.
