Ndër të parët që reaguan për arrestimin e Loredanës nga autoritetet zvicerane ishte ish- menaxheri i Mozzik, Met Elshani.
Elshani, drejtues i kompanisë së menaxhimit të këngëtarëve “On Records”, thumboi sot përsëri çiftin Loredana- Mozzik, duke postuar në Instagram një tjetër story ku duket se i referohet Loredanës dhe Mozzik-ut.
“Të bësh jetë luksi në kurriz të të tjerëve. Ç’të thuash më shumë për këta lloj njerëzish?”, shkruan ai.
Menjëherë pas publikimit të lajmit për arrestimin e 23-vjeçares Loredana Zefi nën akuzë për mashtrim dhe zhvatje të 700 mijë frangave, Met Elshani reagoi përmes postimeve në Instagram, sipas skemës së zakonshme: “A ju thashë?”
“Ju thosha, po nuk besonit se këta njerëz marre janë, hor ta bëjnë një komb”, shkroi ai.
Kujtojmë se në 2018-ën, Mozzik dhe vëllai i tij Getinjo, u larguan nga kompania “On Records”, e cila i kishte menaxhuar gjatë publikimit të këngëve si “Tony Montana” apo “Kokaina”.
Ata njoftuan në Instagram se këngët e tyre ishin fshirë tashmë nga platformat ku ishin publikuar dhe se kishin në plan të vazhdonin të pavarur.
“Njerëz të dashur, deshëm t’ju informojmë se unë Mozzik dhe vëllai im Getinjo nuk jemi më pjesë e ‘On Records’. Këngët tona janë fshirë nga kompania në fjalë. I falenderojmë për punën e përbashkët gjatë këtyre viteve. Vlera jonë nuk do të shuhet asnjëherë. Do shihemi së shpejti me këngë të reja. Ju duam!”, shkruante Mozzik.
Në lidhje me këtë largim, Met Elshani deklaroi se ishte një vendim i njëanshëm nga ana e Mozzik dhe Getinjos, të cilët kishin thyer kontratën dhe u shpreh gjithashtu se kishte investuar shumë para për karrierën e tyre.
“ Definitivisht, artistët që veprojnë në këtë mënyrë vetëm për interesat e tyre do ta kuptojnë që nuk bëhet hajgare me njerëz që investojnë me qindra e mijëra euro për ta dhe pastaj kur të bëhen të famshëm, bëjnë ca lek dhe pastaj të largohen”
