Ish-konkurrenti i Për’Puthen, Graciano Merko mori një vëmendje mjaft të madhe gjatë emisionit për faktin se ai deklaroi që është biseksual. Sigurisht që kjo deklaratë u pasua me komente të shumta si në studio ashtu edhe në rrjete sociale, qoftë këto negative por edhe mbështetëse ndaj tij.
Së fundmi, ai ka qenë i ftuar në programin “Ftesë në 5” të Bieta Sulos. Tema e diskutimit kishte të bënte me një fjalim të Papa Françeskut, i cili i bën thirrje prindërve që të mos dënojnë fëmijët e tyre sa i takon orientimit homoseksual.
Mirëpo deklarata e Gracianos bëri që të kishte një përplasje të fortë me aktivisten e komunitetit LGBT-i, Xheni Karaj.
Ish-konkurrenti i Për’Puthen tha se nuk është aspak normale në sytë e Zotit që të jesh homoseksual. Madje, ndër të tjera ai theksoi se nuk do të dëshironte që fëmija e tij të ishte biseksual, njëjtë si ai.
“S’dua të paragjykoj, por s’është normale në sytë e Zotit. S’e njeh as bibla e as kurani. Prindërit e mi më kanë pranuar, por s’janë të lumtur dhe unë kurrë s’iu çoja një partner burrë në shtëpi”, sqaroi ai.
Edhe një herë tjetër, Graciano prodhoi shumë debat dhe diskutime në studio.
Kujtojmë që ish-konkurrenti i Për’Puthen zhvilloi debate të shumta në studio me Shqipe Hysenajn lidhur me homoseksualin.
