Lidhja mes Kylie Minogue dhe ish-të fejuarit të saj, Joshua Sasse,d uket se nuk ishte aq e sinqertë, nga ana e këtij të fundit. Pavarësisht se aktori britanik ka deklaruar publikisht se nuk e njihte këngëtaren para se ata të takoheshin në xhirimet e shfaqjes televizive “Galavant” në vitin 2015, kolegu i tij, Vinnie Jones, tashmë pretendon se ai ia kishte vënë syrin ish-të fejuarës para shumë kohësh.
“Unë e di këtë lajm përpara se të bëhej publik. Joshua është shprehur se ajo do të ishte e tij dhe e askujt tjetër. Ai e bëri për vete Kylie me humorin e tij të pacipë”, shton Vinne. Për marrëdhënien e çiftit nuk ishte vetëm Vinni, që foli hapur pasi një person i afërt i familjes së Minogue, është shprehur kundra kësaj fejese.
Ai shton se Kylie ishte shumë e dhënë pas tij. Ajo madje i ka paguar 10.000 dollarë për mbjelljen e flokëve. Ai falënderon Zotin që kjo fejesë nuk përfundoi në dasmë.
Kylie, 48 vjeçe dhe Joshua, 29 vjeç, u fejuan në shkurt të 2016-s pas një romance intensive gjatë xhirimeve të shfaqjes komike, në të cilën ishin protagonistë.
Të dy u ndanë vetëm një javë më parë, ku princesha e pop-it, e trishtuar konfirmoi ndarjen e saj, ditën e premte në Instagram. Ajo falënderoi të gjithë fansat për mesazhet e ngrohta dhe mbështetjen e madhe. Së bashku me një foto të një agimi të bukur, Kylie shkroi: “Te dashur, faleminderit për gjithë dashurinë dhe mbështetjen tuaj gjatë gjithë këtij kapitulli të fundit të jetës sime. Faleminderit për dashurinë tuaj dhe mirëkuptimin për lajmin se unë dhe Joshua kemi vendosur t’i japim fund lidhjes sonë”.
Burimi: Daily Mail
