Pete Davidson bëri daljen e tij të parë publike që pas ndarjes nga e fejuara Ariana Grande. Komediani 24-vjeçar u shfaq në eventin “Swing Left”, ndërsa nuk iu shmang dot lajmit për ndarjen e tij nga këngëtarja.
“Ashtu siç mund ta mendoni edhe ju, nuk do të doja të isha këtu. Kanë ndodhur shumë gjëra. A po kërkon ndonjëri shok dhome? Kam mbuluar disa tatuazhe. Kam frikë të bëj tatuazh mamin, kaq keq është puna”, tha Pete duke bërë shaka lidhur me tatuazhet, që kishte bërë në nder të ish-të fejuarës.
Çifti vendosi të ndahej pasi nuk ishte koha e duhur për një marrëdhënie me shumë angazhime.
“Ashtu siç e dini, ne jemi ndarë, por kur u fejuam bëmë tatuazhe. Dhe nëpër revista shkruhej, “A ishte Pete budalla?”. Dhe 93% e tyre thoshin “Po”. Dhe unë thoja, “Mos i dëgjo ata, janë inatçinj”. Dhe ditën tjetër ne ishim në kuzhinë dhe doli se unë isha budalla. Jam një djalë i mirë që thjesht më gjuajnë në organin gjenital. Dhe ju mendoni, “Ah, ai djali i shkretë. Shpresoj që mos ta vrasë veten”. Kjo është Amerika”, u shpreh ish-i i Ariana Grande.
Burimi: Just Jared
