Jennifer Lopez ka folur për një moment vërtet të sikletshëm kur ish-i dashuri i saj P. Diddy i bëri një kompliment te një foto seksi që ajo kishte publikuar në Instagram.
E ftuar në emsionin “The Breakfast Club”, 49-vjeçarja tregoi se Diddy i kërkoi falje të fejuarit të saj Alex Rodriguez menjëherë pas komentit pikant.
“Që ta dini ju djema, ai i shkroi Alex-it pas kësaj dhe i tha: ‘Nuk doja të thosha asgjë me këtë. Nuk kam asgjë, vetëm respekt për ju. Jam shumë i lumtur për ju”, tha këngëtarja.
E gjithë kjo dramë ndodhi në janar, kur JLo ekspozoi muskujt e barkut në Instagram.
Diddy i shkroi “O Zot”, bashkë me një emoji me sy zemrash, duke i bërë të gjithë të flasin për të.
JLo foli dje edhe për akuzat e njëpasnjëshme për tradhtinë e të fejuarit Alex Rodriguez.
Ajo tha i beson plotësisht atij dhe e njeh çfarë njeriu është, kështu që nuk ka ndërmend të dëgjojë të tjerët:
“Nuk kanë rëndësi fare. Unë e di cila është e vërteta. E di kush është ai. Ai gjithashtu më njeh mua. Ne jemi të lumtur dhe s’kemi ndërmend të lëmë të tjerët të vijnë e të na thonë se si është marrëdhënia jonë. Unë e di si është!”
