Pas divorcit nga bashkëshortja Angelina Jolie, Brad Pitt është mbyllur në studion e tij të artit në Los Angeles, ku po kalon netë të vetmuara dhe zemërthyer.
Aktori 53-vjeçar ka krijuar një skulpturë nën drejtimin e shokut të tij, artistit britanik Thomas Houseago.
DailyMail.com shkruan se Brad Pitt ka shpenzuar deri në 15 orë në ditë në studio duke punuar deri në orët e para të mëngjesit dhe duke dëgjuar balada dashurie e këngë të trishtuara.
Angelina, 41 vjeç, është kthyer në Los Angeles pas udhëtimit me gjashtë fëmijët e saj – Zahara, Shiloh, Vivienne, Knox, Maddox dhe Pax – në Evropë, ku ajo foli për përpjekje më të mëdha për të dokumentuar dhe për të ndjekur penalisht krimet e përdhunimit dhe dhunës seksuale gjatë periudhës së luftës.
Ajo gjithashtu foli në mbrojtje të fortë të OKB-së, gjatë një ceremonie në Gjenevë në nder të Sergio Vieira de Mello, i dërguari i OKB-së i cili vdiq në Irak, në një sulm gjatë bombardimeve në Bagdad në vitin 2003.
